Saturday, August 6, 2016

සංහිඳියාව...






















වැහි කඳුළු හිනහෙන්න
මුතු පබළු පළඳින්න
හීන් තණ මල් කැකුළු
පිණි වැටී දිලිසෙන්න...

දේදුන්නේ සළු අතර
තනිකමට සැඟවෙන්න
පිණි වැටුනු මල් කැකුළු
මාලයක් ගෙන එන්න...

මල් තුහින ඉහිරෙච්ච
සුදු පුළුන් ඇතිරිල්ලේ
උණුහුමට ගුලිවෙන්න
සතුටු සිත ගෙන එන්න...

වෙනස් සිත් සැනසෙන්න
එක සිතක් හමුවන්න
ඉවුරු කොණ වෙත එද්දි
තිලකයක් ගෙන එන්න...

එක අහස යට ඉන්න
ඉසව් ගම් යා වෙන්න
මරතොන්ඩි මල් වැටුන
දෑත් යුග මට දෙන්න...