Saturday, June 18, 2016

නිත්‍ය මඟ...
















රළු ගල් ඉවුරු තල මත
සුමට ඉරි ඇඳ හැඩ කර
ප්‍රාණ දී බලා හිඳ සමාධිව
සිත් නිවයි සරන සෙව් දනන් හද...

සොයා ආමිස සිත් සුවය
පලා ඇවිදින් සොයා පින් මඟ
පුබුදුවා දෙඅත් මත කමල අංකුර
හැඩ කරයි නළල් සිඹ පිපුනු මල කමල...

පංච හිල් නොවසා බලා හිඳ
සත්‍යය සොයා යයි මුහුදු රළ මත නැග
සැඬ රළ වැදී අබලන්ව ඔරු කඳ
මුහුදු කුස සැතපෙයි ගිලන් වූ ඔරු කඳ...

රටා වියනා පාට ගෙත්තම් පැඳුර
හැඩ මවයි වැලි අමදිනා සුදු මළුව
වැලි කැට ගණින සංසාර මඟ ගමන
බලා දැක දුක් වෙයි ඥාණ දන නිවුනු සඳ...

පාට දුර්පැහැ පොවන සුවඳ මල
අත්ල මත පරව මැලවෙයි නෙතඟ අභියස
පසක් වෙයි මුණිඳු සඳ පෙන්වු මඟ
එබැවින් උතුම් වෙයි ප්‍රතිපත්ති පිළි මඟ...