Wednesday, March 9, 2016

මහළු ප්‍රේමය...


















මා රැගෙන යන්නට ඇවැසිය
මා පසු පස හඹා දිව එන
පිණි දිය පොකුරු වන්
ඒ නිත්‍යක් නොවූ සුළඟට...

 මා ලයෙහි තුරුළුව
ගත වෙළී සිත පෙළන
සෙවනැලි අතර සැඟවෙන
පොකුරු පෙණ මත විසිරෙන
ඒ වෙහෙස,
ඔබේ දෑත් මත සඟවන්න කාලයකි මෙය...

 තුරඟෙකු මතින් නැගි
නිල් අහස මත දිවන
ගව් දහස් දුර සැරිසරන
චිත්ත මනෝකාය
සුසුම් පිරි, පැතුම් මත
හිනහෙන්නට වෙර දරන අරුමය...

 මා විඩා නිවන්නට
ඇවැසි ජීවය
මිරිඟු වැලි කතරක
සිසිල් දිය පහසක සඟවන
පෙම්බරිය,
ඉඩ දෙන්න සත්‍ය සොයා පියඹන්නට...

ගිලුණු නැව
මල බැඳෙන්නට හැර
බලා හිඳ සුසුම් නොහෙලන්න
ඔබේ වර, නොලත් වරම ලැබ
ඉඩ දෙන්න සුළඟට
නැවත හදවත වෙලන්නට....